RTE Admission 2025 : शिक्षणाचा हक्क कायद्याअंतर्गत महाराष्ट्र शासनातर्फे 25 टक्के जागा या आर्थिक वंचित गटासाठी राखीव ठेवण्यात आलेल्या असतात. RTE मार्फत तुमच्या मुलांना इंग्लिश मीडियम आणि मराठी मिडीयम मध्ये मोफत शिक्षणाची सुविधा दिली जाते.
या 25 टक्के जागे मार्फत आर्थिक वंचित गटातील विद्यार्थ्यांना मोफत शिक्षणाची सुविधा पुरवली जाते, यासाठी ऑनलाइन पद्धतीने अर्ज सादर करावा लागतो सन 2025-26 साठी डिसेंबर 2024 पासून शाळा नोंदणी सुरु झाली आहे विद्यार्थी नोंदणी १३ जानेवारी पासून चालू होईल त्यादरम्यान खालील लिंकवरून तुम्ही ऑनलाईन अर्ज सादर करू शकता.
अर्ज सादर करण्याअगोदर तुमचा मुलगा/मुलगी पात्र आहे का नाही हे पाहण्यासाठी आवश्यक कागदपत्रे आणि वयोमर्यादेची माहिती असणे आवश्यक आहे त्यासाठी खाली सर्व डिटेल्स दिल्या आहेत त्या व्यवस्थित वाचा आणि फॉर भरण्याच्या तयारीला लागा.
2025-26 साठी अर्ज कोण करू शकतो ?
ज्या विद्यार्थ्यांचे वय वर्ष 3 पासून वय वर्ष 7.5 पर्यंत असेल असे आर्थिक वंचित गटातील विद्यार्थी अर्ज करू शकतात या नियमामध्ये बदल झाल्यास सविस्तर माहिती अधिकृत संकेतस्थळावर मिळेल.
अधिकृत शासन निर्णय पाहण्यासाठी येथे क्लिक करा
अर्ज करण्याची पद्धत (RTE Maharashtra Admission)
- https://student.maharashtra.gov.in या पोर्टल वर जावे.
- सर्वप्रथम विद्यार्थ्यांची नोंदणी करून घ्यावी.
- त्यानंतर जुना पासवर्ड बदलून घ्यावा.
- नवीन पासवर्ड ने लॉगिन करावे.
- विद्यार्थ्यांची मूळ माहिती भरावी व अर्जामधील सर्व माहिती भरावी.
- अर्ज भरल्यानंतर जवळच्या शाळेची निवड करावी.
- अर्ज दाखल करावा.
प्रवेशासाठी महत्त्वाची कागदपत्रे
- पत्त्याचा पुरावा जसे की रेशन कार्ड, आधार कार्ड, बँक पासबुक, गॅसचे बुक, भाडेपट्टी, कर पावती, विजेचे बिल, पाण्याचे बिल इत्यादी.
- आरक्षित संवर्गातून अर्ज करत असल्यास जातीचे प्रमाणपत्र देणे आवश्यक आहे. (उत्पन्नाच्या दाखल्याची गरज नाही)
- आर्थिक दुर्बल घटकातील विद्यार्थ्यांसाठी पालकाचे उत्पन्नाचा दाखला देणे आवश्यक. (पालकाचे उत्पन्न एक लाखापेक्षा कमी असावे)
- विद्यार्थ्याचा जन्माचा दाखला
- विद्यार्थी अपंग असेल तर अपंगत्वाचा दाखला.
अर्ज करण्यासाठी वयोमर्यादा (दिनांक 31 डिसेंबर 2024 रोजी कमाल वयोमर्यादा)
- Playgroup & Nursery : 4 वर्षे 5 महिने 30 दिवस
- Junior KG : 5 वर्षे 5 महिने 30 दिवस
- Senior KG : 6 वर्षे 5 महिने 30 दिवस
- 1st Standard : 7 वर्षे 5 महिने 30 दिवस
महत्त्वाच्या सूचना (RTE Admission 2025)
◾https://student.maharashtra.gov.in/adm_portal/Users/rteindex या पोर्टलवरून आपल्या जवळच्या उपलब्ध शाळेची(rte school list) माहिती घ्यावी त्यानंतरचा अर्ज करावा.
◾https://student.maharashtra.gov.in/adm_portal/Users/rteindex या पोर्टल व्यतिरिक्त ईतर कोणतेही पोर्टल आरटीई चे अधिकृत पोर्टल नाही.
◾18 डिसेंबर 2024 पासून शाळा नोंदणी सुरु झाली असून 13 जानेवारी पासून विद्यार्थ्यांची नोंदणी सुरु होऊ शकते.त्यावेळेस ऑनलाइन पद्धतीने अर्ज करता येतील.